Anëtarja e Kryesisë së Lidhjes Demokratike të Kosovës, Sibel Halimi, ka bërë të ditur se nuk ka nënshkruar iniciativën për shkarkimin e kryetarit të partisë, Lumir Abdixhiku. Megjithatë, ajo nuk përjashton mundësinë që kjo temë të diskutohet në pikën "të ndryshme" gjatë mbledhjes së Kryesisë së LDK-së. Në rendin e ditës janë përfshirë diskutime për rezultatet e zgjedhjeve dhe formimin e institucioneve, si dhe çështje të tjera që lidhen me të ardhmen e partisë. Halimi thekson se përgjegjësia duhet të merret nga të gjitha palët brenda LDK-së dhe nuk është vetëm çështje e kryetarit.