Dogana e Kosovës ka rikujtuar se në kuadër të kompetencave të saj ligjore zbaton masat kufizuese dhe sanksionet ndërkombëtare gjatë importit, eksportit dhe transitit të mallrave. Këto sanksione kanë për qëllim parandalimin e transaksioneve dhe qarkullimit të mallrave që mund të jenë në kundërshtim me legjislacionin dhe obligimet ndërkombëtare të Kosovës. Autoritetet doganore kryejnë analiza të riskut, kontrolle të mallrave, subjekteve dhe transaksioneve, ndërsa ndërmarrin masa kur identifikohen shkelje apo shmangie të sanksioneve. Zbatimi përfshin regjimet e sanksioneve të Bashkimit Evropian, Shteteve të Bashkuara, rezolutat e Këshillit të Sigurimit të Kombeve të Bashkuara dhe akte të tjera ndërkombëtare të zbatueshme në Kosovë.