Dogana e Kosovës po përgatit festimet për 27-vjetorin e themelimit të saj, që do të mbahet më 31 gusht. Për këtë rast, institucioni ka krijuar katër propozime të ndryshme dizajni për postimin zyrtar të jubileut dhe ka ftuar qytetarët të votojnë për versionin që ata e konsiderojnë më të përshtatshëm. Qytetarët mund të shikojnë fotografitë e dizajneve të publikuara dhe të japin mendimet e tyre nëpërmjet komenteve. Kjo iniciativë synon të përfshijë publikun në përzgjedhjen e simbolit që do të përfaqësojë këtë përvjetor të rëndësishëm të Doganës së Kosovës.