Donika Zogu, e njohur për angazhimin e saj si përfaqësuese e Kosovës në Bordin Drejtues të Regional Youth Cooperation Office (RYCO), ka përfunduar këtë detyrë dhe është bashkuar me kabinetin e ministrit të Kulturës, Blerim Gashani, si këshilltare. Në një postim në Facebook, ajo shprehu mirënjohjen për përvojën e fituar në RYCO dhe theksoi rëndësinë e përkushtimit ndaj të rinjve dhe vendit. Me ftesë të ministrit, Donika ka pranuar këtë rol të ri për të kontribuar në zhvillimin dhe avancimin e politikave për rininë dhe sportin në Kosovë. Ajo e konsideron këtë ndryshim si një sakrificë personale, duke lënë një pozicion rajonal për të punuar më afër institucioneve të vendit dhe për të ndikuar drejtpërdrejt në proceset vendimmarrëse.