Politologu dhe profesori Dorajet Imeri ka reaguar ashpër ndaj deklaratave të presidentit serb Aleksandar Vuçiq, i cili krahasoi situatën në Iran me ndërhyrjen e NATO-s në vitin 1999. Imeri e akuzon Vuçiqin për rikthim të narrativës së vjetër të viktimizimit të Serbisë, pa reflektim për regjimin gjenocidial të Sllobodan Millosheviqit dhe krimet e kryera në Kosovë. Ai thekson se kjo retorikë relativizon historinë dhe paraqet Serbinë si viktimë të përhershme, duke mos pranuar përgjegjësi apo pendesë për të kaluarën. Sipas Imerit, këto deklarata nuk janë thjesht për konsum të brendshëm politik, por përmbajnë mesazhe serioze për rajonin, SHBA dhe BE, dhe paralajmëron se neglizhimi i retorikës nacionaliste mund të sjellë pasoja të rënda për stabilitetin e Ballkanit.