Ish-deputeti dhe ish-anëtari i kryesisë së Lidhjes Demokratike të Kosovës, Driton Selmanaj, ka reaguar në rrjetet sociale pasi u la jashtë listës së kryesisë së re të partisë. Ai publikoi një postim të shkurtër në Facebook ku shkroi vetëm "LDK" duke vendosur dy gishtërinjtë lart si simbolikë e partisë. Në kryesinë e re mungojnë edhe emra të tjerë të njohur si Arben Gashi, Imri Ahmeti, Vlora Dumoshi, Rrezarta Krasniqi dhe Xhafer Tahiri. Në anën tjetër, kryetari i LDK-së, Lumir Abdixhiku, ka përfshirë figura të reja si Ukë Rugova, Sokol Havolli dhe të tjerë, duke sjellë ndryshime në strukturën udhëheqëse të partisë.