Ministri për Punë, Familje dhe Vlerat e Luftës Çlirimtare, Andin Hoti, njoftoi themelimin e dy komisioneve të reja në fushën e sigurisë dhe shëndetit në punë. Komisioni i parë do merret me çertifikimin e ekspertëve, licencimin e shërbimeve, trajnerëve dhe qendrave të trajnimit, ndërsa komisioni i dytë do fokusohet në mbikëqyrjen dhe kontrollin e personave në këtë fushë. Këto masa synojnë forcimin e mekanizmave për zbatimin e ligjit dhe rritjen e cilësisë së shërbimeve në sektorin e punës. Përmes këtyre veprimeve, Ministria synon avancimin e mbrojtjes së punëtorëve në Republikën e Kosovës.