Ditët për vendimin e Gjykatës Speciale ndaj katër ish-krerëve të Ushtrisë Çlirimtare të Kosovës po afrohen, duke nxitur organizimin e dy marshimeve të mëdha nga platforma “Liria ka Emër”. Marshimi i parë do të mbahet më 12 shtator në Prishtinë dhe pritet të jetë një nga tubimet më të mëdha në historinë e Kosovës, me pjesëmarrje që mund të kalojë 200 mijë vetë. Marshimi i dytë do të zhvillohet më 16 shtator në Hagë, në kohën kur do të jepet verdikti i Speciales, duke bashkuar vëmendjen e qytetarëve në të dy vendet.