Ish-deputeti i LDK-së, Arben Gashi, ka rrëfyer për dy ngjarje kyçe në SHBA që e bindën se vendimi për rrëzimin e Qeverisë Kurti 1 në vitin 2020 ishte i drejtë. Gashi ka treguar se gjatë pandemisë mori përsipër të lexonte mocionin e mosbesimit ndaj qeverisë së Albin Kurtit, duke theksuar se rreziku për Kosovën ishte shumë i madh në atë kohë. Ai përmendi trazirat në Capitol Hill në vitin 2021 dhe tërheqjen e ushtrisë amerikane nga Afganistani si dy momentet që e bënë të kuptojë se Kosova mund të mbetej pa përkrahjen amerikane nëse qeveria do të vazhdonte. Sipas tij, këto zhvillime ndërkombëtare ndikuan në vendimin e LDK-së për të rrëzuar qeverinë, duke shmangur një situatë të pasigurt për vendin.