Kryetari i Prishtinës, Përparim Rama, ka kërkuar sqarime publike nga BIRN Kosova, Kallxo.com, Internews Kosova dhe drejtoresha e BIRN-it, Jeta Xharra, lidhur me publikimin e një analize nga profili “Lule Gjeli”, i cili dyshohet të jetë fiktiv. Rama e konsideron këtë rast një shkelje serioze të standardeve etike dhe ligjore dhe kërkon transparencë mbi identitetin e autorit, natyrën dhe kohëzgjatjen e bashkëpunimit, si dhe nëse ka pasur përfshirje politike në publikimet e këtij profili. Ai paralajmëron se nëse nuk marrin përgjigje të qarta deri të hënën, Komuna e Prishtinës do të rishqyrtojë dhe mund të ndërpresë çdo formë bashkëpunimi institucional me BIRN Kosovën. Përparim Rama thekson rëndësinë e mbrojtjes së interesit publik dhe besimit të qytetarëve, duke kërkuar që fondet dhe hapësirat publike të administrohen vetëm në mënyrë transparente dhe në shërbim të qytetarëve.