Ministri për Evropën dhe Punët e Jashtme, Ferit Hoxha, mori pjesë në një diskutim të organizuar në Belgjikë në Institutin Mbretëror për Marrëdhëniet Ndërkombëtare, ku u trajtua tema e zgjerimit të Bashkimit Evropian nga një këndvështrim shqiptar. Ai theksoi se e ardhmja e Ballkanit Perëndimor është ngushtë e lidhur me të ardhmen e Evropës dhe se një rajon i qëndrueshëm, i sigurt dhe i integruar plotësisht është thelbësor për forcimin e rolit strategjik të kontinentit.