Kryeministri Edi Rama ka reaguar pas protestës së Partisë Demokratike në Tiranë, e cila u zhvillua më 20 shkurt dhe u shoqërua me tensione dhe incidente. Ai publikoi në rrjetin social X një mesazh të shkurtër ku shprehej: “Kur mortja e shtyn qenërinë tek dera e xhamisë...”, duke dënuar afrimin e protestuesve pranë ambientit të Xhamisë së Namazgjasë. Partia Demokratike pretendon se gjatë protestës u hodhën sasi të mëdha gazi pranë xhamisë, duke ndërprerë faljen e besimtarëve myslimanë në ditën e tretë të Ramazanit, dhe ka deklaruar se posedon pamje filmike për këtë rast. Ministrja e Brendshme Albana Koçiu gjithashtu dënoi dhunën dhe bëri thirrje për shmangien e aktit të dhunës dhe mbrojtjen e të miturve gjatë tubimit.