Kryeministri Edi Rama do të zhvillojë nesër një vizitë zyrtare në Itali, ku do të pritet nga homologja e tij, Giorgia Meloni, në selinë e qeverisë italiane, Palazzo Chigi, në orën 15:00. Takimi pritet të fokusohet në marrëdhëniet mes dy vendeve, duke përfshirë bashkëpunimin ekonomik, sigurinë dhe projektet rajonale dhe evropiane. Kjo vizitë vjen në një moment kur Shqipëria dhe Italia kanë intensifikuar bashkëpunimin në fusha të ndryshme, dhe shihet si një mundësi për të diskutuar hapat e mëtejshëm në proceset integruese dhe zhvillimet rajonale. Detajet konkrete të bisedimeve do të bëhen të ditura pas takimit mes dy liderëve.