Edona Llalloshi, këngëtarja e njohur shqiptare, ka siguruar mandatin e saj të tretë si deputete në Kuvendin e Kosovës pas zgjedhjeve parlamentare të 7 qershorit. Ajo garoi në listën e Lëvizjes Vetëvendosje dhe, me mbi 97% të votave të numëruara, ka marrë më shumë se 31,300 vota, duke u renditur e 20-ta në listën e partisë. Megjithëse ky rezultat është më i ulët se në zgjedhjet e kaluara, Edona Llalloshi vazhdon të jetë një nga figurat më të votuara brenda subjektit të saj politik. Artistja ka kombinuar me sukses karrierën muzikore me atë politike, duke fituar mbështetje të vazhdueshme nga elektorati në tri palë zgjedhje brenda një periudhe prej rreth një viti e gjysmë.