Elisa Spiropali ka reaguar pas shkarkimit nga pozita e Ministres së Jashtme nga kryeministri Edi Rama, duke theksuar se përfundimi i detyrës nuk përbën mbyllje të përgjegjësisë publike, por vazhdim të shërbimit ndaj Shqipërisë. Ajo falenderoi Partinë Socialiste dhe kryeministrin për besimin e dhënë ndër vite, duke theksuar se politika është një territor ku koha lëviz shpejt, por kujtesa lëviz ngadalë, dhe rëndësi ka mënyra se si ushtron detyrën dhe pesha e qëndrimeve të dhëna. Spiropali kujtoi vendimet historike që kanë orientuar Shqipërinë drejt Perëndimit, si anëtarësimi në NATO dhe rruga drejt Bashkimit Europian, duke e parë detyrën e saj si Ministre të Jashtme si vazhdim të një narrative historike për integrimin në qytetërimin perëndimor. Në vend të saj, kryeministri Edi Rama propozoi ish-ambasadorin në OKB, Ferit Hoxha, për postin e Ministres së Jashtme.