Kryeministri në detyrë dhe kryetari i Lëvizjes Vetëvendosje, Albin Kurti, ka njoftuar aderimin e Elvira Ibrahimi-Hotit në radhët e partisë së tij. Ajo do të jetë pjesë e listës së kandidatëve për deputetë në zgjedhjet e ardhshme, duke sjellë një eksperiencë të gjatë prej 18 vjetësh në kontabilitet, auditim dhe ekonomi. Kurti e ka vlerësuar Ibrahimi-Hotin si një vlerë të shtuar për Vetëvendosjen, duke theksuar njohuritë e saj të thella mbi ekonominë dhe angazhimin në edukimin financiar dhe digjital në Kosovë.