Emanuel Bajra, kryesuesi i Bordit të Trustit të Kursimeve Pensionale të Kosovës, ka reaguar pas debatit publik mbi deklarimin e pasurisë së tij prej rreth 140 milionë eurosh. Ai ka theksuar se pasuria e tij është krijuar në Mbretërinë e Bashkuar shumë kohë para angazhimit në institucione publike në Kosovë dhe se çdo cent është i deklaruar, i dokumentuar dhe plotësisht legjitim. Bajra ka mohuar kategorikisht çdo përfitim nga fondet publike dhe ka dënuar fushatën e shpifjeve dhe linçimeve ndaj tij, duke kërkuar një debat të bazuar në fakte dhe jo sulme personale.