Ish-ministri i Jashtëm i Kosovës, Enver Hoxhaj, ka reaguar ashpër ndaj debatit në Maqedoninë e Veriut për të drejtën e studentëve shqiptarë për të dhënë provimet në gjuhën shqipe. Ai e konsideron këtë të drejtë si një standard themelor të barazisë dhe demokracisë, duke kërkuar respektim të plotë të gjuhës shqipe në arsim dhe institucionet publike. Hoxhaj thekson se shqipja duhet të trajtohet si pjesë e karakterit multietnik dhe orientimit evropian të shtetit dhe se barazia gjuhësore nuk është privilegj, por një e drejtë themelore e shqiptarëve si popull shtetformues. Ai e quan absurde që përdorimi i shqipes të kontestohet në një shtet anëtar të NATO-s dhe që aspiron anëtarësimin në Bashkimin Evropian.