Ish-ministri i Jashtëm i Kosovës, Enver Hoxhaj, ka dalë në mbrojtje të studentëve shqiptarë në Maqedoninë e Veriut, të cilëve po u ndalohet mbajtja e provimit të jurisprudencës në gjuhën shqipe. Ai e konsideron këtë kërkesë si një standard themelor të barazisë dhe demokracisë, duke theksuar se përdorimi i shqipes duhet të respektohet plotësisht në arsimin dhe institucionet publike të një shteti multietnik dhe anëtar të NATO-s që synon integrimin në Bashkimin Evropian. Hoxhaj e quan absurde kthimin e përdorimit të gjuhës shqipe në një çështje kontestuese në një vend që aspiron të jetë pjesë e BE-së. Në Shkup pritet të mbahet një protestë masive nga studentët shqiptarë, të cilët për katër vite kanë studiuar në gjuhën shqipe, por tani po përballen me pengesa për të dhënë provimet në gjuhën e tyre amtare.