Shefi i misionit të EULEX-it në Kosovë, Giovanni Pietro Barbano, ka komentuar për idenë e krijimit të xhandarmërisë, të paralajmëruar nga kryeministri në detyrë Albin Kurti. Ai thekson se ky proces duhet të respektojë kornizën ligjore të Kushtetutës së Kosovës, e cila e njeh Policinë e Kosovës si institucionin kryesor dhe të vetëm për zbatimin e ligjit. Aktualisht, informacionet për këtë iniciativë janë të kufizuara, pasi është në fazën fillestare, ndërsa EULEX është i gatshëm të ofrojë këshilla dhe ekspertizë nëse kërkohet.