Eurodeputeti austriak Thomas Waitz ka vlerësuar se Kosova ka bërë përparim të dukshëm në ndërtimin e institucioneve demokratike dhe në proceset zgjedhore, duke theksuar se Kushtetuta e Kosovës është shumë afër standardeve evropiane. Ai theksoi se Kosova do të ishte ndër liderët për anëtarësim në Bashkimin Evropian nëse do të trajtohej si një aplikante e zakonshme, por integrimi i saj po pengohet nga faktorë politikë dhe mungesa e njohjes nga Serbia. Waitz vuri në dukje se lufta kundër korrupsionit në Kosovë është në rrugë të mirë, megjithëse mbetet një sfidë e vazhdueshme. Ai gjithashtu kërkoi që rezultatet e zgjedhjeve në Kosovë të respektohen, duke theksuar se ka pasur fitues të qartë në dy palë zgjedhje të fundit.