Deputeti i zgjedhur i LDK-së, Fadil Hadergjonaj, ka reaguar pas tensioneve të brendshme në këtë parti, duke bërë thirrje për reflektim të thellë, unitet dhe përgjegjësi. Ai thekson se LDK nuk duhet të merret me përçarje apo beteja personale, por ka detyrën historike dhe kombëtare të jetë e bashkuar dhe e gatshme për të ofruar zgjidhje për qytetarët. Hadergjonaj vlerëson se Kosova po përballet me krizë politike, polarizim shoqëror dhe stagnim institucional, ndaj çdo energji duhet të përqendrohet në forcimin e LDK-së dhe rolin e saj në shërbim të shtetit. Ai nënvizon se kjo është koha për bashkim rreth vlerave themelore të partisë dhe se uniteti është një përgjegjësi kombëtare për të ndihmuar Kosovën të dalë nga gjendja e vështirë ku ndodhet.