Ish-kryetari i Aleancës, Ramush Haradinaj, ka nderuar familjen Gjocaj për kontributin e jashtëzakonshëm në historinë kombëtare dhe luftën e Ushtrisë Çlirimtare të Kosovës. Ai theksoi se kjo familje ka qëndruar besnike kombit shqiptar brez pas brezi, duke sakrifikuar shumë për lirinë e vendit. Gjatë luftës, babai Avdyl Gjocaj dhe djemtë e tij iu përgjigjën thirrjes së atdheut, ndërsa Blerimi dhe Qerimi u plagosën rëndë në beteja të ndryshme, duke dhënë gjithashtu edhe gjymtyrët për liri. Shtëpia e familjes Gjocaj shërbeu si qendër mbështetëse për qindra luftëtarë të UÇK-së, duke u bërë një simbol i qëndresës dhe patriotizmit në Kosovë.