Kreu i NISMAS-s, Fatmir Limaj, ka reaguar ashpër ndaj ofendimeve që iu janë bërë sulmuesit të Kombëtares së Kosovës, Vedat Muriqi. Ai i ka dalë në mbështetje publike duke theksuar se sulmet dhe gjuha fyese ndaj lojtarëve që përfaqësojnë vendin nuk përfaqësojnë vlerat e shoqërisë kosovare. Limaj ka përdorur një shprehje të njohur, duke thënë se “çdo shtëpi e ka bërllokun e vet”, duke nënkuptuar se kritikat dhe sulmet janë të pashmangshme, por nuk duhet të ndikojnë në krenarinë dhe përkushtimin ndaj atdheut. Përveç tij, edhe Federata e Futbollit e Kosovës ka reaguar për të mbrojtur Muriqin nga sulmet e papranueshme.