Deputetja e Lëvizjes Vetëvendosje, Fatmire Kollçaku, ka deklaruar se vazhdon të jetë kandidate për postin e presidentes së Kosovës. Ajo ka lënë të hapur mundësinë që të tërhiqet nga kandidatura nëse arrihet një marrëveshje politike me opozitën. Kollçaku thekson se është në pritje të propozimeve nga opozita dhe se çdo vendim do të merret në interes të Kosovës. Sipas saj, për zgjedhjen e presidentit nevojiten dy të tretat e votave të deputetëve në Kuvend, ndërsa në rast se nuk arrihet kuorumi në dy raundet e para, në raundin e tretë mjafton shumica prej 61 votash.