Drejtori i Përgjithshëm i Shërbimit Korrektues të Kosovës, Ismail Dibrani, priti dy zyrtarë të FBI-së për të diskutuar bashkëpunimin në fushën e sigurisë dhe zbatimit të ligjit. Fokus u vu në parandalimin dhe luftimin e terrorizmit, menaxhimin e rreziqeve të sigurisë dhe fuqizimin e kapaciteteve profesionale përmes shkëmbimit të përvojave ndërkombëtare. Palët vlerësuan lart bashkëpunimin aktual dhe ranë dakord për intensifikimin e tij në të gjitha fushat me interes të përbashkët. Ky bashkëpunim pritet të përmirësojë ndjeshëm kapacitetet profesionale dhe të forcojë sigurinë në Kosovë.