Deputeti i Partisë Demokratike të Kosovës, Ferat Shala, ka akuzuar qeverinë e udhëhequr nga Lëvizja Vetëvendosje për menaxhim të keq të krizës së derivateve të naftës, duke theksuar se sektori është lënë pa rezerva shtetërore për më shumë se gjashtë vjet. Ai ka theksuar se kriza ekonomike në këtë sektor është evidente dhe kërkon masa konkrete nga qeveria, të cilat deri tani mungojnë. Shala ka kritikuar Ministrinë e Industrisë dhe Tregtisë për mungesë përgjegjësie dhe për sjelljen e një ligji që e quan antikushtetues dhe jo juridik. Ai paralajmëron se nëse nuk ndërmerren hapa urgjentë, Kosova mund të përballet me sfida më të mëdha në menaxhimin e rezervave të naftës dhe krizës ekonomike në përgjithësi.