Arbërie Nagavci, shefja e Grupit Parlamentar të Lëvizjes Vetëvendosje, ka prezantuar kandidaturën e Feride Rushitit për presidente të Kosovës, duke nxjerrë në pah kontributin e saj të jashtëzakonshëm në mbrojtjen e të drejtave të njeriut dhe fuqizimin e viktimave të luftës. Rushiti, mjeke dhe aktiviste e njohur, ka drejtuar Qendrën Kosovare për Rehabilitimin e të Mbijetuarve të Torturës që nga viti 1999, duke ofruar mbështetje multidimensionale për mijëra viktima, veçanërisht të mbijetuar të dhunës seksuale gjatë luftës.