Fermerët kosovarë të qumështit kanë reaguar ashpër ndaj deklaratës së deputetes Adriana Matoshi, e cila i quajti “langareca” ata që protestuan së fundmi. Në reagimin e tyre, fermerët kërkojnë që Matoshi të tërheqë këtë fjalë, duke theksuar se ajo po luan me djersën dhe punën e shumë familjeve. Ata shprehin pakënaqësi për gjuhën që përdori deputetja, duke e konsideruar të papërshtatshme për një përfaqësuese të Kuvendit. Fermerët gjithashtu e ftojnë Matoshin të vizitojë secilin prej tyre për të parë nga afër aktivitetin e tyre dhe për të vërtetuar se janë fermerë të vërtetë.