Lëvizja Vetëvendosje ka ftuar qytetarët dhe përkrahësit e saj që të mblidhen sonte në orën 23:00 në Sheshin Skënderbeu në Prishtinë për të festuar fitoren e zgjedhjeve. Në tubim pritet të marrë pjesë edhe kryeministri në detyrë, Albin Kurti, i cili do të jetë bashkë me qytetarët në këtë moment festimi. Sloganet e përdorura në thirrje janë “Krejt për shtet” dhe “Shtet për krejt”, ndërsa partia ka theksuar se “Ia qitëm pikën edhe një herë”, duke aluduar në suksesin e arritur. Kjo festë vjen pas rezultateve preliminare të Komisionit Qendror të Zgjedhjeve, sipas të cilave LVV-ja ka fituar mbi 43 për qind të votave.