Ka nisur seanca konstituive e Kuvendit të Kosovës, e cila shënon hapin e parë drejt themelimit të legjislaturës së XI-të pas zgjedhjeve parlamentare të 7 qershorit. Seancën po e udhëheq deputeti më i vjetër, Avni Dehari nga Lëvizja Vetëvendosje, i cili uroi mirëseardhjen për deputetët dhe diplomatët e pranishëm. Në këtë seancë nuk zhvillohet debat, ndërsa fillimisht do të formohet një komision i përkohshëm për verifikimin e kuorumit dhe mandateve të deputetëve. Pas kësaj, deputetët do të betohen dhe do të zgjedhin kryetarin e Kuvendit, si dhe pesë nënkryetarët sipas përcaktimeve kushtetuese.