Ministrja në detyrë e Mjedisit, Planifikimit Hapësinor dhe Infrastrukturës, Fitore Pacolli, vizitoi punimet në Projektin e Banimit të Përballueshëm dhe Social në Podujevë, ku shprehu shqetësim për vonesat dhe ngecjet në realizimin e tij. Gjatë vizitës, ajo zhvilloi një takim me përgjegjësin e kompanisë punuese, duke theksuar se projektet duhet të përfundojnë brenda afateve të përcaktuara me kontratë. Pacolli paralajmëroi se do të merren masa ndaj kompanive që nuk përmbushin obligimet, duke përfshirë shqiptime gjobash. Ajo nënvizoi vendosmërinë për të qenë e pakompromis ndaj papërgjegjshmërisë në realizimin e projekteve infrastrukturore.