Në Kompleksin Memorial të Dëshmorëve të Kombit në Gllogjan u ndez “Flakadani i Lirisë” si shenjë mbështetjeje për ish-krerët e UÇK-së, të cilët janë në proces gjyqësor në Dhomat e Specializuara në Hagë. Ceremonia u organizua në prag të shpalljes së vendimit për Hashim Thaçin, Kadri Veselin, Rexhep Selimin dhe Jakup Krasniqin, dhe morën pjesë përfaqësues të platformës “Liria ka Emër”, Komunës së Deçanit dhe veteranë të luftës. Ish-gjenerali Daut Haradinaj theksoi se flakadan simbolizon sakrificën dhe bashkimin e popullit të Kosovës në përkrahje të bashkëluftëtarëve që po gjykohen padrejtësisht. Ai gjithashtu dërgoi një mesazh për të gjithë ata që njohin të kaluarën dhe luftën e Kosovës, duke shprehur besimin se vendimi i 16 shtatorit do të jetë i drejtë dhe se djemtë e pafajshëm do të kthehen krenarë.