Ish-deputeti i Lëvizjes Vetëvendosje, Florin Krasniqi, ka njoftuar rikthimin e tij në politikë duke u bërë pjesë aktive e fushës politike përmes Partisë Socialdemokrate. Ai ka komentuar fitoren e Albin Kurtit dhe ish-partisë së tij, duke theksuar se në politikë, ashtu si në sport, fiton ai që është në lojë dhe jo ata që qëndrojnë në tribunë. Krasniqi ka theksuar se me hyrjen e socialdemokratëve në fushë do të ndryshojë mënyra e lojës politike dhe ka bërë thirrje për bashkim të të gjithë socialdemokratëve të Kosovës. Ai ka premtuar përmbysjen e asaj që e quan "pushtet keqbërës", duke shprehur vendosmërinë për të sfiduar dhe ndryshuar situatën aktuale politike.