Lëvizja FOL ka publikuar një dokument politikash në kuadër të nismës “Llogaridhënia në Zbatimin e Ligjit të Punës dhe Transparenca e të Drejtave të Punëtorëve”, ku analizon efikasitetin e sistemit gjyqësor dhe performancën e Inspektoratit të Punës në Kosovë. Dokumenti evidenton progresin e arritur, por edhe sfidat dhe nevojën për reforma prioritare për të garantuar mbrojtjen më efektive të të drejtave të punëtorëve. FOL i bën thirrje Kuvendit të Kosovës që të forcojë mbikëqyrjen parlamentare dhe të krijojë një kornizë më të qartë ligjore për zbatimin e legjislacionit të punës, duke përfshirë edhe raportimin periodik nga institucionet përgjegjëse. Këto masa synojnë të rrisin llogaridhënien institucionale dhe efikasitetin në trajtimin e kontesteve të punës në vend.