Ministrja në detyrë e Drejtësisë, Donika Gërvalla, vizitoi Qendrën e Paraburgimit në Prishtinë ku u prit nga drejtuesit e SHKK-së dhe stafi i qendrës. Gjatë vizitës u diskutua për funksionimin e njësive kyçe të sistemit korrektues, të cilat sigurojnë menaxhim efikas dhe koordinim të proceseve brenda institucioneve. Gërvalla theksoi rëndësinë e forcimit të koordinimit institucional, rritjes së kapaciteteve operative dhe konsolidimit të mekanizmave të sigurisë për avancimin e standardeve të sistemit korrektues. Ajo gjithashtu nënvizoi angazhimin e vazhdueshëm për konsolidimin e shtetit të së drejtës, forcimin e besimit në institucione dhe garantimin e sigurisë publike në Kosovë.