Ministria e Mbrojtjes dhe ajo e Mjedisit dhe Planifikimit Hapësinor kanë nënshkruar një Marrëveshje Mirëkuptimi për të forcuar bashkëpunimin në mbrojtjen e mjedisit. Në kuadër të kësaj marrëveshjeje, Forca e Sigurisë së Kosovës do të mbështesë aksionet shtetërore me personel, makineri dhe kapacitete logjistike për të garantuar një ambient më të sigurt dhe të pastër. Ministri në detyrë i Mbrojtjes, Ejup Maqedonci, dhe ministrja në detyrë e Mjedisit, Planifikimit Hapësinor dhe Infrastrukturës, Fitore Pacolli, kanë theksuar rëndësinë e angazhimit të përbashkët të institucioneve për mbrojtjen e hapësirave publike dhe përmirësimin e kushteve të jetesës për qytetarët. Ky partneritet ndërinstitucional synon të rrisë sigurinë mjedisore dhe të ofrojë qytetarëve një ambient më të pastër për të jetuar.