Ministri i Punëve të Jashtme dhe Diasporës së Kosovës, Glauk Konjufca, zhvilloi një takim me Ambasadoren e Mbretërisë së Holandës në Kosovë, Karin Boven, ku u diskutua për avancimin e marrëdhënieve ndërmjet dy vendeve dhe bashkërendimin e qëndrimeve në çështje me interes të përbashkët. Fokus i bisedës ishte thellimi i bashkëpunimit bilateral, veçanërisht në kuadër të agjendës evropiane të Kosovës dhe proceset integruese evropiane. Gjatë takimit, palët shkëmbyen urime për formimin e qeverisë së re në Holandë dhe mandatin e ri të Konjufcës, ndërsa u riafirmua mbështetja e vazhdueshme e Holandës për Kosovën. Kosova u zotua të vazhdojë përkushtimin për forcimin e partneritetit me Holandën dhe avancimin e bashkëpunimit në fusha të ndryshme.