Kryeprokurori i Shtetit, Zejnulla Gashi, priti në takim drejtorin e Agjencisë për Parandalimin e Korrupsionit, Ylli Buleshkaj, i cili i uroi për detyrën e re. Temë kryesore e diskutimit ishte thellimi i bashkëpunimit ndërinstitucional, me fokus të veçantë në luftën kundër korrupsionit. Të dy drejtuesit theksuan rëndësinë e koordinimit të përpjekjeve për të përmirësuar efektivitetin në parandalimin dhe ndjekjen penale të rasteve korruptive. Ky takim shënon një hap të rëndësishëm drejt një bashkëpunimi më të ngushtë mes institucioneve që mbrojnë integritetin dhe ligjin në vend.