Ministri në detyrë i Infrastrukturës, Dimal Basha, zhvilloi një takim me zyrtarët e Policisë së Kosovës, duke përfshirë Drejtorin e Departamentit të Rendit Publik, Arbnesh Ajvazin, dhe Nënkolonelin Jeton Rexhepin. Gjatë takimit, u diskutua për forcimin e bashkëpunimit ndërinstitucional në projekte dhe përgjegjësi të përbashkëta, me qëllim rritjen e sigurisë në komunikacion. Basha falënderoi Policinë për mbështetjen e vazhdueshme dhe theksoi rëndësinë e partneritetit mes institucioneve. Ai gjithashtu premtoi vazhdimin e bashkëpunimit të ngushtë në të ardhmen për zbatimin më efikas të detyrave të përbashkëta.