Zëvendësministri i Mbrojtjes së Kosovës, Gegë Lleshi, zhvilloi vizitën e tij të parë zyrtare në Shqipëri, ku u prit nga ministri i Mbrojtjes Ermal Nufi dhe drejtues të tjerë të lartë ushtarakë dhe institucionalë. Gjatë takimeve u diskutua për forcimin e bashkëpunimit bilateral në fushën e mbrojtjes dhe sigurisë, avancimin e projekteve të përbashkëta dhe koordinimin përballë sfidave të sigurisë rajonale. Delegacioni pati gjithashtu biseda me Shefin e Shtabit të Përgjithshëm të Forcave të Armatosura të Shqipërisë dhe me drejtues të strukturave të inteligjencës ushtarake, komandës kibernetike dhe institucioneve arsimore ushtarake. Vizita përfshiu edhe takime me kadetë dhe studentë të Forcës së Sigurisë së Kosovës në akademitë ushtarake shqiptare, duke rikonfirmuar marrëdhëniet e shkëlqyera ndërmjet dy vendeve dhe përkushtimin për bashkëpunim strategjik në funksion të paqes dhe sigurisë në rajon.