Zëvendëskryeministrja dhe ministrja në detyrë e Punëve të Jashtme dhe Diasporës, Donika Gërvalla, ka zhvilluar një takim me një delegacion amerikan ku u diskutua rëndësia e sundimit të ligjit dhe reformave në drejtësi për zhvillimin ekonomik të Kosovës. Ajo theksoi se një sistem drejtësie efikas, profesional dhe me integritet është shtylla kryesore e një shteti demokratik, duke siguruar siguri juridike për qytetarët, bizneset dhe investitorët ndërkombëtarë. Gërvalla nënvizoi angazhimin e vazhdueshëm të Kosovës në luftën kundër korrupsionit dhe krimit të organizuar, si dhe në fuqizimin e transparencës dhe llogaridhënies institucionale. Shteti po punon për të krijuar një klimë të favorshme për investime përmes reformave të vazhdueshme dhe bashkëpunimit ndërinstitucional dhe ndërkombëtar, duke shfrytëzuar potencialin e fuqisë së re punëtore dhe orientimin euroatlantik.