Ministrja në detyrë e Drejtësisë, Donika Gërvalla, vizitoi Prokurorinë Themelore në Mitrovicë, ku u diskutua për funksionimin e sistemit prokurorial dhe sfidat që ai përballet. Ajo theksoi rëndësinë e reformës në drejtësi dhe rritjes së llogaridhënies si shtylla kryesore për forcimin e sundimit të ligjit dhe integritetit institucional. Gërvalla nënvizoi nevojën për bashkëpunim të ngushtë ndërinstitucional për të rritur efikasitetin dhe besimin e qytetarëve në institucionet e drejtësisë. Ministrja theksoi se ligji duhet të zbatohet pa përjashtim dhe se askush nuk guxon të jetë mbi ligjin, duke e cilësuar sundimin e ligjit si forcën më të madhe të Republikës së Kosovës.