Zëvendësdrejtori i Përgjithshëm i Policisë së Kosovës, Fehmi Hoti, priti në Prishtinë një delegacion nga United States Secret Service dhe Ambasada e SHBA-së në Kosovë. Takimi u zhvillua në një atmosferë partneriteti dhe besimi të ndërsjellë, ku u diskutua për thellimin e bashkëpunimit profesional në fushën e sigurisë dhe shkëmbimin e përvojave. U theksua mbështetja e vazhdueshme që SHBA-ja ka dhënë Policisë së Kosovës për rritjen e standardeve profesionale dhe forcimin e institucioneve të sigurisë. Policia e Kosovës shprehu përkushtimin për të vazhduar dhe zgjeruar partneritetin strategjik me institucionet amerikane në funksion të sigurisë dhe sundimit të ligjit.