Ushtruesi i Detyrës së Kryeprokurorit të Shtetit, Agron Qalaj, priti një delegacion nga Misioni i OSBE-së në Kosovë, të kryesuar nga Pascale Langlais, për të diskutuar mbi forcimin e sundimit të ligjit. Gjatë takimit u trajtuan prioritetet aktuale dhe sfidat me të cilat përballet sistemi prokurorial, si dhe hapat e ardhshëm për avancimin e këtij sektori. Qalaj theksoi rëndësinë e bashkëpunimit ndërmjet Prokurorisë së Shtetit dhe OSBE-së për të përmirësuar standardet ligjore, profesionalizmin dhe llogaridhënien. Të dyja palët vlerësuan bashkëpunimin aktual dhe shprehën gatishmërinë për ta fuqizuar atë, me qëllim rritjen e efikasitetit, transparencës dhe llogaridhënies në institucionet e drejtësisë.