Procesi i formimit të institucioneve të reja në Kosovë pritet të nisë në korrik, menjëherë pas certifikimit të rezultateve të zgjedhjeve të 7 qershorit. Ekspertët kushtetues shprehen optimistë se Kuvendi dhe Qeveria do të konstituohen pa vonesa, duke theksuar se bllokimet e mëparshme tani janë të pamundura për shkak të rregullave të qarta kushtetuese. Megjithatë, zgjedhja e presidentit mund të përballet me zvarritje për shkak të mungesës së konsensusit politik dhe mund të kalojë edhe nëpërmjet Gjykatës Kushtetuese.