Pas certifikimit të rezultateve të zgjedhjeve të 7 qershorit, procesi i formimit të institucioneve të reja në Kosovë pritet të nisë gjatë muajit korrik. Ekspertët kushtetues janë optimistë se Kuvendi dhe Qeveria do të konstituohen pa vonesa, duke theksuar se rrugët për bllokime janë më të qarta dhe më të pakta se më parë. Megjithatë, zgjedhja e presidentit mund të përballet me zvarritje për shkak të mungesës së konsensusit politik dhe mundësisë së përfshirjes së Gjykatës Kushtetuese. Njohësit paralajmërojnë se çdo bllokadë institucionale do të thellonte pasigurinë politike dhe do të dërgonte vendin drejt krizave të reja, ndërsa Kryeministri në detyrë, Albin Kurti, ka konfirmuar se pas certifikimit do të fillojnë diskutimet për themelimin e institucioneve.