Pas certifikimit të rezultateve të zgjedhjeve të 7 qershorit, situata për themelimin e institucioneve është e qartë dhe jo e komplikuar. LVV ka fituar bindshëm dhe i takon automatikisht Kryetari i Kuvendit, ndërsa kjo parti dhe partnerët e saj nga pakicat kombëtare kanë shumicën për të formuar qeverinë pa nevojë për negociata të gjata. E vetmja çështje që kërkon bashkëpunim mes të gjitha partive është zgjedhja e Presidentit, i cili duhet të jetë jopolitik dhe i zgjedhur me konsensus. Procesi më i mirë për këtë është përcaktimi i kritereve për kandidatë të pavarur, të cilët nuk duhet të jenë satelitë të asnjë partie dhe preferohet të jetë një femër.