Komisioni për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit ka formuar një grup punues prej pesë anëtarësh për shqyrtimin e aplikacioneve për anëtarë të Këshillit Gjyqësor të Kosovës (KGJK). Kryesuesja e grupit është Blerta Deliu-Kodra, ndërsa anëtarë janë Vigan Qorroli nga LVV, Besnik Tahiri nga AAK, Erxhan Galushi nga komunitetet dhe Ljiljana Stefanovic nga Lista Serbe. Aktualisht, janë tri pozita të lira në KGJK: një anëtar nga komuniteti shqiptar jo-gjyqtar dhe dy anëtarë nga komuniteti serb, ku të paktën njëri duhet të jetë gjyqtar.