Demokracia në Veprim ka raportuar se deri në orën 17:00 janë evidentuar 25 raste të fotografimit të votës, një problem që prek rreth 4% të vendvotimeve në nivel vendi. Përveç kësaj, janë hasur përpjekje të votuesve për të votuar në emër të personave të tjerë, kryesisht familjarëve, dhe raste të votimit me dokumente të pavlefshme në rreth 1/4 e vendvotimeve. Në Prishtinë dhe Pejë janë evidentuar më së shumti raste ku votuesit kanë pasur vështirësi në gjetjen e vendvotimit. Nëse trendi i pjesëmarrjes vazhdon si deri tani, këto zgjedhje mund të shënojnë një nga nivelet më të ulëta të pjesëmarrjes në zgjedhjet parlamentare në vitet e fundit, ndaj DnV bën thirrje qytetarëve të shfrytëzojnë minutat e mbetura për të votuar.